Beurtkrag

BEURTKRAG
Ons is waar almal is. Ek het drie ure om hierdie storie te skryf, te post, die skottelgoedwasser te pak en aan te sit, drie vinnige bondels wasgoed te was, alle liggies te laai want dis netnou aand, ons koffiebottel vol kookwater te maak, aandete voor te berei. Ek sal werklik jok as ek sê dit doen niks aan my gemoed nie, want dit doen nie niks nie. Ons gesin is mal oor ons land. Ons is trots Suid-Afrikaans en as dit die Here se wil is sal ons regtig nooit graag hier wil gaan nie. Ons wil ook patriotiese kinders grootmaak en daarom probeer ons om eerder altyd die goue randjie rondom die donker wolkie te sien. Ons probeer mooi en versigtig dink oor die woorde wat ons spreek. Ons probeer lewe spreek – veral op hierdie stadium oor Eskom!!! Daar is een ding wat die wêreld ons moet gee: Suid-Afrikaners is aanpasbaar. Elke vlak wat ons op beweeg in nóg minder krag maak ons nuwe planne. Ons raak kreatief in tydverdryf met ons gesin. Ons speel meer bordspeletjies as ooit vantevore. Ons dink nuwe speletjies saam met ons kinders uit. Ons leer om meer te doen met die bietjie krag wat ons steeds het.Selfs die Kersspyskaart moet hierdie jaar beplan word rondom die beurtkrag skedule. Vergete is die dae van Sondagkos met skaapboud, pampoenkoekies, rys en bakaartappels vir die Kersmiddagete. Wie sal nou weet of ons krag gaan hê vir die Kersete?
Soms betrap ek myself egter dat ek goed kwaad is. EK weet werklik nie eintlik vir wie nie. Want ek is seker daar werk ‘n hele span baie goeie, toegewyde, hardwerkende mense by Eskom, en niks van hierdie probleem is hulle skuld nie. Maar hulle moet hard stoei om dit te help oplos. Ek raak goed vies oor hierdie nuwe “normaal” waaraan ons alweer moet gewoond raak. Ek raak vies oor ‘n woord in ons woordeskat waarvan ander lande seker nie eens weet nie. BEURTKRAG?! Ek raak so hartseer vir klein besighede wat besig is om stadig maar seker te verdrink in ekstra onkostes van “generators” en alles wat daarmee saamgaan. Ook groot besighede, plase en so kan ek aangaan. Iemand vra anderdag of ons al na Soweto se beurtkrag skedule gekyk het. Ek dog eers dis weer van daardie hoor-sê stories. Toe gaan laai ek sommer die skedule self af om met my eie oë te sien. So wrintiewaar, selfs op vlak ses het Soweto net twee ure op ‘n dag beurtkrag. As jy elektrisiteit soek moet jy beslis nie na die Wes-Kaap kom nie. Soweto is gelukkiger as ons. Ons hou aan bid vir Eskom en André en ons president en ons land se misdaad. Ons glo ons en ons kinders gaan nog sien hoe die gety draai. Soms, net soms, raak ons vir ‘n vlietende oomblik so ‘n klein bietjie vies en mismoedig.
Maak altyd die beste van ‘n goeie ding, maar nooit die slegste van ‘n slegte nie. (CJ LANGENHOVEN)

Comments

Post a Comment

Popular posts from this blog

Foto's vertel stories

Image
Sit foto'tjies op FB. Parys in die somer is so nice. Dit bly mos tot laat lig. Ai,jy maak my lus om my foto-albums te gaan uitkrap & deur blaai vir 'n goeie trip af in memory lane.                                                                                                    Elmien de Kock Hanekom Elmien se FB-boodskap laat my nog laat wakkerl ê om te dink. Ons was die afgelope naweek Parys toe net vir die naweek. Ek wou nie gaan nie. Ek wou liewer tuisbly en geld spaar vir die huisie wat ons so graag iewers in die Boland wil koop as ons iewers in die toekoms terugkeer na Suid-Afrika. Ek was baie kwaai met my man oor Parys…want vir my was dit sommer net ‘n lekker geldmors-idee. Ek moet bieg: Ek het my hart verloor op Parys. Al spaar ons nie hierdie maand ‘n enkele sent nie, het ek ‘n klomp nuwe foto’tjies vir my album.                                      Parys -  ongeveer 21:30 Sondagaand . Elmien se boodskap het my sommer laat wonder oor die foto’tjies in my eie
Read more

Skuinskoekstorie en resep

Maandagaand, so met die reën wat val, voor die kaggelvuur, raak my gemoed lus vir skuinskoek. Ek loop soek die reseppie wat ek nog verlede winter by Marietjie afgeskryf het. “Tannie Margaret se heerlike skuinskoek,” staan bo aan die resep. Voor ek gaan slaap pak ek al die bestanddele in my groot enamel knieskottel op die kombuistafel. Toe ek Dinsdagmôre klaar koffie vir my man en rooibostee vir ons dogtertjie in die bed gegee het, gaan begin maak ek die skuinskoek aan. Dis nog diep diep koud en ek blaas wasem uit terwyl my hande vol deeg is. Die sonnetjie skyn eers hier van half 10 af gaaf. Dus sit ek maar die oond laag aan om ‘n warm plekkie vir my knieskottel deeg te skep. Dit moet immers iewers warms rys tot dubbel die volume voordat ek kan begin bak. Die deeg moet ‘n volle 20minute geknie word. Ek kies kortpad, want skuins oor halfpad, skreeu my man benoud uit die kamer dat ek asseblief dadelik ons dogtertjie se doek moet kom ruil. Hy vermoed hier’s groot fout. Ek bid sti
Read more

die Melktert

Image
Ek voel vandag teleurgesteld in myself. Eergister was Nasionale Melktertdag en ek het ń wonderlike geleentheid om melktert met koffie te geniet, misgeloop. Iewers in die harwar van blou Maandag het my brein gesê – blou Maandag en melktert loop nie saam nie. Nou is ek spyt! My skoonpa vertel graag van sy skoonmoeder, Dora, se ongelooflike melktert. Die kors het perfek opgepof en die melktertpap was blykbaar so na aan volmaak as wat jy kan kry. Ek het nooit die voorreg gehad om die perfekte melktert te proe nie. My skoonma het blykbaar een maal haar hand gewaag aan haar ma se resep. Dit was so ń grootse oomblik dat pa Danie foto’s daarvan geneem het. Nou kyk hy maar na die foto’s as die melktertlus hom oorval, vertel hy graag. Ons het ook grootgeword met melktert. My ma was nie ń vrou vir langpaaie nie en dus ken ons nie eintlik melktert met ń kors wat fraai oppof soos ń ballerina tutu nie. My ma sin was korsloos of met daardie smeerkors, wat net so lekker is. Ons familie
Read more