In this world
we're just beginning
To understand the miracle of living
Baby I was afraid before
I'm not afraid, any more
Oh, baby do you know what that's worth?
Oh, Heaven is a place on Earth
They say in Heaven, love comes first
We'll make Heaven a place on Earth
Oh, Heaven is a place on Earth
(Belinda
Carlisle, Heaven is a place on earth)
Die liedjie
speel gisteraand toevallig op RSG terwyl ek my ma se noedelslaai resep aan die
een kant inlê, en aan die ander kant vir ‘n slag regte muffins bak.
(Ek doen deesdae net die pakkie-ding.)
Vanoggend gaan
laai ek vir Jesse by Build It se voorstoep op. Sy kom werk so wanneer sy lus
voel en geld nodig het. Sy’s laat soos gewoonlik. Met die inklimslag weet ek’t
Jessie het gisteraand partytjie gehou. “Ja Suné, ek en my tjommies het gisseraand ‘n
biertjie en soe gedrink. Jammer Suné.” Ek skud net my kop. Ek’s baie erg oor
Jessie. Hoekom, weet ek ook nie aldag nie.
Ons laai vir
Jessie by die huis af en gaan ry ‘n draaitjie. My siel smag na ‘n slush puppy
op die sonnige lentedag. ‘n Rooie. Toe ons by die huis kom hoor ek dadelik dat
RSG nie meer gesels soos vroeër nie. Die musiek speel wild en
uitbundig ons hele huisie vol. Jesse lyk gelukkiger. Lambrecht knik, sy het die
stasie verander. Iets wat hy nog nooit eens gewaag het nie.
Sy wil ook nie
vandag tee en koekies hê nie, dankie. Net Coke. As ons het. Na ‘n
glas coke is Jessie se energie weer terug. Ek kan die musiek nie verduur nie en
gaan sit met my slush puppy op ‘n kampstoel in die sonnetjie.
Dan hoor ek die
voëltjies
sing en onthou Belinda se liedjie gisteraand. Om te lewe is ‘n wonderwerk.
Lente in die boland, na ‘n koue en nat winter, is so na aan hemel as wat mens
seker kan kom.
Dan gaan gooi
ek vir Jesse nog ‘n glas Coke…die kombuis moet nog mooigemaak word vir die
lente en sy begin lyk moeg.
Comments
Post a Comment